បទសម្ភាស ​(Interviews)

ChangeStream Media ធ្វើបទសម្ភាសជាមួយលោក ហង់ យ៉ន់​ ជាគ្រូឧទ្ទេសសាលាគរុកោសល្យ និងវិក្រិត្យការខេត្តកំពត​អំពីសារៈសំខាន់នៃការប្រើប្រាស់សម្ភារៈបង្រៀន នៅក្នុងការបង្រៀននៅក្នុងសាលាបឋមសិក្សា

ក្រៅពីការផ្ដល់មេរៀនជាទ្រឹស្ដីដល់គរុសិស្ស តើការគាំទ្រអ្វីខ្លះទៀតអ្នកផ្ដល់ដល់គរុសិស្យ ?

ខ្ញុំសូមជំរាបថា ក្រៅពីការផ្ដល់មេរៀនជាទ្រឹស្ដីដល់គរុសិស្ស គឺគ្រូឧទ្ទេសគ្រប់គ្នាទាំងអស់ដូចជាខ្ញុំ ជាដើម គឺដឹកនាំគរុសិស្សផលិតសម្ភារឧបទ្ទេសទាក់ទងតាមមុខវិជ្ជានីមួយៗ ហើយគរុសិស្សក៏ចូល​រួមសម្មភាពក្នុងការផលិត​ ក្នុងការប្រត្តិបត្តជាក់ស្ដែងទៅលើទ្រឹស្ដ្រីដែលគ្រូឧទ្ទេសបានបង្ហាញ។

ហេតុអ្វីបានជាអ្នកចាំបាច់អោយគរុសិស្សផលិតសម្ភារៈនៅសាលាគរុកោសល្ស ?

ជាការចាំបាច់ណាស់ ព្រោះបើយើងគិតទៅការបង្រៀនគ្មានសម្ភារជាការបង្រៀនអរូប៉ីគឺ​មិនអាច​ ទទួលបានជោគជ័យបានទាំងស្រុងទេ​ ដូច្នេះការង្រៀនដាច់ខាតត្រូវទាមទាសម្ភារៈ​ ហេតុនេះហើយ​បានជាក្រៅពីការផ្ដល់ទ្រឹស្ដី ខ្ញុំបានផ្ដល់ជាបទពិសោធការផលិតសម្ភារៈឧបទ្ទេស និងការប្រើប្រាស់​សម្ភារៈឧបទ្ទេស ព្រោះការប្រើប្រាស់សម្ភារៈឧបទ្ទេសគឺជាចំនុចមួយដែលជំរុញ អោយសិស្សទទួល​ការបង្រៀនងាយស្រួល ហើយឆាប់ចាប់បាននូវខ្លឹមសារមេរៀនដែលយើងត្រូវផ្ដល់អោយគេ។

ហេតុអ្វីបានជាអ្នកគិតថាការផលិតសម្ភារៈមានសារសំខាន់ ?

សំខាន់ណាស់​ ការផលិតសម្ភារៈបង្រៀន ដូចដែលខ្ញុំបានជំរាបពីខាងដើមអញ្ចឹងនៅក្នុងសំនួរមុន​អញ្ចឹងថា សំខាន់ដោយសារការបង្រៀនត្រូវផ្សាភ្ជាប់ជាមួយសម្ភារៈឧបទ្ទេស​……..ការបង្ហាញ ការផលិតសម្ភារៈឧបទ្ទេសនេះគឺចំនុចសំខាន់ដែលមិនអាចខ្វះបានទេ ព្រោះថា​ការបង្រៀន​តែគ្មានសម្ភារៈឧបទ្ទេស គឺជាការបង្រៀនមួយអរូប៉ី បើកាលណាការបង្រៀនមួយស្ថិតនៅក្នុងភាព​អរូប៉ី គឺសិស្សដែលទទួលចំណេះដឹងពីយើងមិនបានពេញលេញទេ។

តើអ្នកគិតថា នរណានឹងទទួលបានផលពីសម្ភារៈដែលបានផលិតនេះ ?

បាទ បើយើងក្រឡេកមើលទៅឃើញថា បន្ទាប់ពីការផលិតសម្ភារៈឧបទ្ទេសនេះ គឺអ្នកដែលទទួល​ជោគជ័យក្នុងការផលិតសម្ភារៈនេះគឺទីមួយគរុសិស្សហ្នឹងឯង ទីពីរសិស្សតូចៗ​ដែលរៀន​​នៅតាម​ សាលាបឋមសិក្សាដែលពួកគេកំពុងរងចាំទទួលចំណេះដឹងពីយើង។

តើអ្នកទទួលបានគំនិតនៃការផលិតសម្ភារៈដូចម្តេច ?

គំនិតនៃការផលិតសម្ភារៈឧបទ្ទេសនេះតាមរយៈបទពិសោធ តាមរយៈការសិក្សាដែលយើងខ្ញុំជាគ្រូ
ឧទ្ទេសអាចផ្ដល់បាន ទទួលបានពីនាយកដ្ឋានបណ្ដុះបណ្ដាល ពីអង្គការ VSO ដែលជាជំនួយការ​នៅក្នុងសាលាគរុកោសល្យ ហើយក៏បានទទួលពីបណ្ដាស្រុកមួយចំនួនទៀតដែលបាន​ចូលរួមសិក្ខា​ សាលាជាមួយគ្នាដោយយើងផ្តល់បទពិសោធយកមកប្រើប្រាស់អោយបានទទួលប្រសិទ្ធិភាព។

តើសាលាមានប៉ុន្មានម៉ោងសម្រាប់គរុសិស្សផលិតសម្ភារៈ ?

ក្នុងការផលិតនេះបើគិតជាម៉ោងក្នុងការផលិតសម្ភារៈឧបទ្ទេសនេះគឺមានមួយម៉ោងក្នុងមួយ ​សប្ដាហ៍។ ឧទាហរណ៍ថា​ខ្ញុំជាមុខវិជ្ជាភាសារខ្មែរ ខ្ញុំស្រង់បញ្ជីរដែលត្រូវផលិតមុខវិជ្ជាភាសាខ្មែរ​ សម្ភារៈ​ឧបទ្ទេសសម្រាប់បំរើភាសាខ្មែរ ហើយស្រង់ជាបញ្ជីដាក់ជូនមកអោយរោងជាង មានន័យថា​គ្រូរោងជាងទទួលបញ្ជីរភាសា​ខ្មែរ គាត់ជួយគរុសិស្សផលិតចេញជាសម្ភារៈសំរាប់​ប្រើប្រាស់តាម​ បញ្ជីឈ្មោះសម្ភារដែលមានក្នុង​សៀវភៅ​ភាសាខ្មែរហ្នឹងឯង។

ដើម្បីធ្វើអោយការបណ្ដុះបណ្ដាលការផលិតសម្ភារៈកាន់តែមានប្រសិទ្ធិភាព តើអ្នកមានផែន​ការធ្វើ​ដូចម្ដេចខ្លះ ?

ផែនការក្នុងការផលិតសម្ភារឧបទ្ទេសអោយកាន់តែមានប្រសិទ្ធិភាពសម្រាប់ពេលអនគត គឺជាដំបូង​ទាក់ទងជាមួយមុខវិជ្ជាភាសាខ្មែរ គឺមានន័យថាខ្ញុំត្រូវស្រាវជ្រាវមេរៀនទាំងអស់​ដែលទាក់ទងជាមួយ​ ការផលិតសម្ភារឧបទ្ទេសមកមើលសារឡើងវិញដើម្បីរៀបចំការផលិត អោយត្រូវជាមួយខ្លឹមសារៀនគ្រប់កំរិតថ្នាក់នៅតាមកម្មវិធីសាលាបឋមសិក្សា​ លើកពីនេះទៅទៀតនោះក៏ទទួលគំនិត និងបទ​ពិសោធន៍ពីអ្នកស្ម័គ្រចិត្ដ VSOនិងអង្គការផ្សេងៗទៀតដែរ។ជាចុងក្រោយនេះតើអ្នកមានអ្វីបន្ថែម ឬ ក៏ផ្ដាំផ្ញើរដែឬទេ ?
ដូចដែលខ្ញុំបាននិយាយពីខាងដើមអញ្ចឹងគឺដាច់ខាតនៅក្នុងការបង្រៀនដែលគ្មានសម្ភារឧបទ្ទេសគឺ

ជាការបង្រៀនមួយស្ថិតនៅក្នុងភាពអរូប៉ី អញ្ចឹងប្អូនៗដាច់ខាតត្រូវតែស្រាវស្រាវ ថាតើមេរៀននេះ​ត្រូវប្រើសម្ភារអ្វី ?

ការប្រើប្រាស់សម្ភារនេះជាគន្លឹះជំរុញអោយខ្លឹមសារ​របស់យើងទទួលបាន​លទ្ធ
ផលជោគជ័យ។ជាចុងក្រោយនេះ ទាក់ទងនឹងការផលិតសម្ភារឧបទ្ទេសនេះ យើងខ្ញុំជាគ្រូឧទ្ទេស​សូមថ្លែងអំណរគុណដល់អ្នកស្ម័គ្រចិត្ត VSO​ជាជំនួយការនៅសាលាគរុកោសល្យ​និងវិក្រត្យការ ដែលបានជួយលើកផ្នែកផលិត និងការប្រើប្រាស់សម្ភារឧទ្ទេសនេះអោយកាន់តែមានប្រសិទ្ធិភាព។សូមអរគុណ។